Engkantado (mga anak ng engkantong tarantado) - 2007

wala akong mapagtripan kagabi. as usual di na naman ako makatulog ng maaga. marahil excited si toto na makatapak uli sa lupang hinirang. naudlot kasi ang uwi ko dapat kahapon, biyernes. kung hindi lang nagmaka-awa ang bisor ko na i-delay ang uwi ko para may maapi pa rin siya sa linggong ito, malamang kumakain na ako ng lechong baboy at dinugu-an sa bahay. pero as usual hindi na naman yan ang kwento ko.

napagtripan ko na naman kagabi ang mga engkantao, isang palabasa sa tfc na tila pinag-isipan talaga ng husto ng mga producers at mga manunulat nito. kwento ito ng mga anak ng engkanto sa mga tao. premise pa lang talagang henyong-henyo ang dating. kung di ka ba naman tanga, papatol ka ba sa engkanto kung meron man? inisip ko na lang na puro sila rape victims at nagbunga ang paglalapastangan sa kanila ng hybrid na half-human at half-unknown creatures. siyempre unang-una sa listahan si pedro penduko na may powers na di ko maintindihan. tila may hinuhugot siyang bola ng apoy mula sa tiyan at binanabato sa kalaban. di ko alam kung compressed na utot yun o lighter fluid. sumunod sa grupo ay ang batang may kapangyarihan sa paggamit ng tubig. lumalabas muna ang kanyang mga palikpik bago niya magamit ang powers niya. di ko alam kung ano ang pangalan niya at sa kung anong klaseng isda siya pinaglihi at kung magkano ang kada kilo nito. pagkatapos ay si moy; d wonderboy apoy! naks, pangalan pa lang hot na hot... nakakatatot. pero isang makulit at madaldal na bata lang pala na may kapangyarihan sa paggamit ng apoy. meron ding batang babaeng mahiyain na bigla na lang nawawala kapag kinakausap mo ito. ayoko sa kanya. nababastusan ako sa ugali niya. meron ding lalakeng kaya magpagalaw ng mga bagay, di ko alam kung ano ang limit ng timbang na kaya niya. pero ang pinaka-paborito ko sa kanilang lahat ay ang ”flying sexy lady”. hahahahaha... susmaryosep! sino kya ang nagbigay ng pangalan niya? sabagay sexy naman talaga siya at hindi nahahati ang katawan kapag lumilipad. kontodo makeup at hairdo. palaging naka mini-skirt. palaging parang dudungaw ang suso. palaging sexy. consistent sa karakter.

kung bakit ako nagkainteres manood kagabi ay dahil ang ganda ng opening scene nila. itong si flying sexy lady ay kinokompronta si mahiyaing bastos: ”nasaaan ka ba ng kinalaban namin ang syokoy???!!!”. oh di ba? kung di ka pa naman mai-enganyo sa ganyan? hahahahaha... dun pa lang naliw na ako. oo nga bat nga ba wala siya nung kinalaban nila ang syokoy? interesting. nasaan ang team spirit niya? wla siyang malasakit sa grupo. bastos nga talaga. napaka-importante pa naman sa mga engkantao ang hindi pag-absent sa mga gimik lalo pa kung may syokoy na lulusubin.

ang daloy ng kwento ay sa tema ng pagkawatak-watak ng grupo nila. may kanya-kanya na silang mga lakad... yung iba busy sa school, yung iba naman kumikirengkeng. ito lang talaga sa sexy lady ang masigasig at pilit na buuhin uli ang grupo. sabi pa nga niya, ”matatawag mo ba ang isang grupo kung wlang leader?” (in maarte voice). grabe... idol! kaya mo ba mag helicopter iha?

ito naman si pedro ay napasama sa grupo na mahilig sa beerhouse. sumama siya sa ”sauna nauna” kung saan maraming “masahesta” ika nga ng bugaw na kalbong bading. di alam ni pedro na ang isa pala sa masahesta ay ang babae ring engkantao. isa siyang anggitay o babaeng kapre. aaahhhh, meron din palang gender yung kapre. anggitay pala ang tawag sa girlalu. kapre? di ba sana kamre? sabagay, pangit rin pakinggan... parang kotse ng toyota. ang trip ni girl ay naghahanap ito ng katxmate at makipag-eyebol sa mga kalalakihan. kapag nagkasundo na sila sa lugar at kulay ng damit go na. naisip ko, sana makahanap din ako ng katx na babaeng kapre. sarap sigurong kabayuhin yon no? kaso lang bigla itong mag-iiba ng anyo sa first date niyo... nagiging kabayo ang mga paa at humahaba ang kaisa-isang sungay sa nuo sabay nag-iiba ang kulay foundation at make-up neto. tapos papatayin niya ang ka-eyebol pag di niya trip. kaya payo ko sa may mga katx na kapre, babae man o lalake, iwasan magsinungaling sa edad, kulay ng kutis, height at anyo.... kapag ti-next ka ng “hu u?” at sinagot mo ito ng “34 hunk tall dark pogi” tulad ko, dapat totoo yun. natawa ako lalo kasi sinisipa niya ang kanyang mga biktima at karamihan ay sumasablay sa poste ng kuryente. “tall dark pogi daw?, neknek mo! ito sa ‘yo!”, sabay flying kick. patay kang bata ka.

nung si pedro na ang nakipag-eyebol. buti na lang dumating ang mga katropang engkantao sakay sa pickup. salamat buo na uli ang grupo. si idol sexy lady alng ang hindi sumakay sa pickup. malamang di magkasya ang kanyang mga pakpak o di kaya takot siya dakmain ng iba pang mga engkantao. paubos na ang powers ni pedro nung dumating sila, marahil trapik sa edsa o sa taft. nanghihina na si pedro... bumaba sa pickup ang mga bida. unang umatake si idol sexy. hala sige nagsabunutan sila ng buhok sa ere ng babaeng kapre. bigla siyang tinulak ng napakalakas, tumama siya sa pader at bumagsak sa lupa si sexy. gumulong. nasira ang poise. nabali ang kuko. sunod, pinalipad ni lalake ang bakal at tinamaan ang anggitay. walng nangyari. kasunod, gumawa ng bolang tubig si palikpik man... pinalipad ito sa ere sabay pinakulo ito ni wonderboy apoy tapos ibinuhos nila ito sa flying kapre. di ko napansin si mahiyain girl. baka nandun lang siya di ko lang nakita.... bagsak sa lupa ang babaeng kapre. sugat-sugat at puno ng paso ang katawan. nagwagi ang mga bida natin.

ganun lang ka simple ang estrorya. nasayang ang isang oras kong tulog. mabuhay kayong mga producers at mga manunulat. sana marami pa kayong projects tulad nito para sulit naman ang bayad namin sa TFC subscription. Leche!!!